Нөөцийн махны өргөтгөсөн худалдаа ЗОХИОН БАЙГУУЛНА

Нийслэлд махны нийлүүлэлтийг тогтворжуулах зорилгоор ХХААХҮЯ-наас 12 бэлтгэн нийлүүлэгч сонгон шалгаруулж, хаврын улирлын хэрэгцээнд зориулан 7858.9 тонн махны нөөц бэлтгэжээ.

Нөөцийн махны үнийг ХХААХҮЯ тогтоож, борлуулалтыг нийслэл хариуцдаг. Өнгөрсөн сарын 15-наас нийслэлийн есөн дүүргийн 431 цэгээр нөөцийн махыг худалдаж эхэлсэн юм. Гэвч борлуулалт муу байгаа тул ирэх амралтын хоёр өдөрт нөөцийн махыг гулуузаар нь худалдах болжээ.

Улаанбаатар хотын Ерөнхий менежер М.Баяраа “Махаа ангилж уутлахдаа өөх, махны хэмжээг тааруулах, ууталсан махаа зөөвөрлөхдөө шуудайд бус, цаасан хайрцагт зөөвөрлөх шаардлагыг 12 бэлтгэн нийлүүлэгчдэд хүргүүлнэ. Зөвхөн хонины махыг гулуузаар худалдах бөгөөд зах, худалдааны төвүүдээс 20-25 хувийн хямд үнээр худалдана. Одоо есөн дүүрэгт 481 цэгээр нөөцийн мах худалдаалж байна. Энэ онд нөөцийн махны борлуулалт өмнөх жилүүдийнхээс муу байна. Нөөцийн мах худалдан авъя гэхээр голдуу хонины  мах байдаг, амт чанаргүй, шороотой, шивтэр үнэртдэг гэх мэт гомдол байнга гардаг.

ХХААХҮЯ нөөцийн махны чанарт хяналт тавих үүрэгтэй. Энэ талаар тус яамнаас тодруулах шаардлагатай.

Өнгөрсөн долоо хоногт бид захуудаар явж үзлээ. Махны савлагаа 2-3 кг байгааг 1-2 кг болгох саналыг олон иргэн хэлссэн. Мөн гялгар уут нь задарсан тохиолдлууд гарсан тул бэлтгэн нийлүүлэгч компаниудад цаасан хайрцгаар махаа тээвэрлэх шаардлага тавьсан.” гэв.

Ирэх бямба, ням гарагуудад дүүргүүдэд зохион байгуулна.

Нөөцийн махны өргөтгөсөн худалдаа зохион байгуулах байршил
 

№	Дүүрэг	Хороо	Хаяг, байршил	Өргөтгөсөн худалдаа зохион байгуулах өдөр
				IV.08	IV.09
1	Баянгол дүүрэгт-4	1	Угсармалын шар 46, 48, 49-р байрны дунд талбайд	-	+
2		5	5-р хорооны байрны гадна талбай	+	-
3		13	"Хишиг" төвийн гадна талбай	-	+
4		24	Алтай хотхон	+	+
5	Баянзүрх дүүрэгт-4	3	"Сансар" худалдааны төвийн гадна талбайд	+	+
6		4	Жуковын талбай	+	+
7		11	Улиастайн гүүрний наана	+	+
8		23	Улиастайн эцсийн автобусны буудал	+	+
9	Чингэлтэй дүүрэгт-3	2	Алтжин бөмбөгөр худалдааны төвийн гадна талбайд	+	+
10		14	"Далайхүү" худалдааны төвийн гадна талбай	+	+
11		15	Хайлааст 84 автобусны буудал	+	+
12	Сүхбаатар дүүрэгт-3	11	Хангай хотхоны гадна талбай	+	+
13		13	"Арви" худалдааны төвийн гадна талбай	+	+
14		18	"Бэлх" худалдааны төвийн гадна талбайд	+	+
15	Сонгинохайрхан дүүрэгт-3	12	Саппоро-Миний дэлгүүрийн зүүн талд	+	+
16		25	Зүүн салааны хуучин эцэст	+	+
17		34	Орбитын тойрог "Тунгалаг" төвийн үүдэнд	+	-
18	Хан-Уул дүүрэгт-4	7	Яармагийн хуучин эцэс	+	+
19		10	Төрийн банкны хажууд	+	+
20		15	"Эко" хүнсний захын урд талбайд	+	+
21		20	"Лавай" худалдааны төвийн гадна талбайд	+	+