Л.Жеймс дээд амжилт тогтоолоо

Лос-Анжелес Лейкерс" багийн довтлогч Леброн Жеймс бүх үеийн онооны дээд амжилт тогтоожээ. "Оклахома-Сити Тандер" багт гурван оноогоор буюу 130:133-аар хожигдсон уг тоглолтод 38 настай тэрээр 38 оноо авч, NBA-гийн онооны бүх үеийн мэргэн бууч, домогт Карим Абдул-Жаббарын тогтоосон дээд амжилтыг гурван оноогоор ахиулан, 38,390 болголоо. К.Абдул-Жаббар 38,387 оноо авч, "мөнхийн" гэгдэх дээд амжилтыг 1989 онд тогтоосон юм.  "Өрнө" бүсэд "Лейкерс" 25 хожилтойгоор 13-рт бичигдэж буй бол "Оклахома"-чууд хоёр байрын урд явна.