К.Мбаппег Европын шилдэг хөл бөмбөгчөөр шалгаруулав

Францын шигшээ болон "Пари Сен Жермен" багийн довтлогч К.Мбаппег Олон улсын хөл бөмбөгийн түүх, статистикийн холбоо 2022 оны Европын шилдэг хөл бөмбөгчөөр тодрууллаа. 24 настай тэрбээр өнөө жил клубтэйгээ Францын аварга болж, шигшээ багтайгаа "Катар-2022" дэлхийн аварга шалгаруулах тэмцээнд үзүүрлэжээ. Мөн тус тэмцээнд найман бөмбөг оруулснаар мэргэн буучаар шалгарснаас гадна "Мөнгөн бөмбөг" шагнал хүртсэн билээ. Тус холбооноос нэрлэсэн Европын бэлгэдлийн шигшээ баг: Хаалгач: Т.Куртуа ("Реал", Бельги) Хамгаалагчид: Т.Эрнандес ("Милан", Франц), В.ван Дейк ("Ливерпуль", Нидерланд), Й.Гвардиол ("Лейпциг", Хорват), Д.Думфрис ("Интер", Нидерланд). Хагас хамгаалагчид: А.Гризман ("Атлетико", Франц), К.де Брёйне ("Манчестер Сити", Бельги), Л.Модрич ("Реал", Хорват) Довтлогчид: К.Мбаппе ("ПСЖ", Франц), К.Бензема ("Реал", Франц), Э.Холанд ("Манчестер Сити", Норвег).