3x3 сагсан бөмбөгийн дэлхийн аваргад Монголын эрэгтэй, эмэгтэй баг оролцоно

FIBA 3х3 сагсан бөмбөгийн 2023 оны дэлхийн аварга шалгаруулах тэмцээн тавдугаар сарын 30-аас зургаадугаар сарын 4-ний хооронд Австрийн Вена хотод болно.

Тус тэмцээнд нийт 40 баг өрсөлдөх бөгөөд манай улсаас эрэгтэй, эмэгтэй шигшээ багууд оролцох эрхээ авсан байна. Сагсан бөмбөгийн тэмцээнд оролцох эхний 34 баг одоогоор тодорсон байгаа юм. Харин үлдсэн зургаан багийг тавдугаар сарын 6-7-ны хооронд Израил улсын Эйлат хотод болох тэмцээнээс шалгаруулах аж.

• Эрэгтэй шигшээ баг: Австрали, Австри, Бельги, Бразил, Франц, Герман, Япон, Латви, Литва, Мадагаскар, Монгол, Нидерланд, Польш, Пуэрто Рико, Серби, Швейцар, АНУ
• Эмэгтэй шигшээ баг: Австри, Бразил, Канад, Хятад, Египет, Франц, Герман, Унгар, Итали, Япон, Литва, Монгол, Нидерланд, Польш, Румын, Испани, АНУ