Г.Ганхуяг хүрэл медаль хүртлээ

Дэлхийн бөхийн нэгдсэн холбоо (UWW)-ны дэлхийн чансааны оноо олгох дөрвөн тэмцээний эхнийх нь болох "Zagreb Open-2023" тэмцээн Хорватын нийслэл Загребт болж байгаа билээ. 92 кг-д хүч үзсэн ОУХМ Г.Ганхуяг эхлээд Гүржийн М.Майсуразэд 1:1-ээр хожигдсон ч Энэтхэгийн Р.Патилыг 9:1-ээр хожсоноор хүрэл медалийн болзол хангажээ. Нөгөө хүрэл медалийг Азербайжаны О.Нурмагомедов хүртэж, Гүржийн М.Майсуразэ үзүүрлэн, АНУ-ын К.Муре түрүүлсэн аж.  Ийнхүү манай эрэгтэйчүүд иж бүрэн медаль хүртэв. Өмнө нь ОУХМ Т.Тулга алт, ОУХМ Н.Наранхүү мөнгөн медаль зүүсэн юм.