Өвлийн усанд сэлэлтийн ДАШТ-д 10 настай М.Цэнгүүн алтан медаль хүртжээ

Словени улсын Блед хотод 2023 оны нэгдүгээр сарын 26-ны өдөр болсон өвлийн усанд сэлэлтийн Дэлхийн аварга шалгаруулах тэмцээнд 31 улсын тамирчид оролцжээ. Үүнээс Баянгол дүүргийн төвийн усанд спорт сургалтын төвийн тамирчин 10 настай Мөнхтөрийн Цэнгүүн 50 метрт мэлхий сэлэлтийн төрлөөр +5 градус цельсийн хэмд нуурын усанд уралдан Алтан медаль хүртжээ. Тэрбээр монгол улсын түүхэнд өвлийн усанд сэлэлтийн анхны Дэлхийн аварга болж байгаа юм. Сонирхуулахад орон сууцны хүйтэн усны хэм +12 градус цельс байдаг аж.