К.Мбаппе анх удаа пента-трик хийв

Францын цомын тэмцээний шөвгийн 32-т "Пари-Сен Жермен", "Пеи Де Кассель"-ийг 7:0-ээр "бут ниргэлээ". Тоглолтын гол баатраар "ПСЖ"-ийн довтлогч Килиан Мбаппе тодорсон ба анхны пента-трикээ оруулжээ. Эхний үед ердөө 11 минутын дотор буюу 29, 34, 40 дэх минутад хет-трик оруулсан тэрээр хоёрдугаар тойргийн 56, 79 дэх минутад дубль хийсэн аж. Мөн 33 дахь минутад түүний дамжуулалтаар Неймар гоол оруулсан бол 64 дэх минутад Солер эцсийн цэгийг тавьсан байна. Шөвгийн 16-д "Пари-Сен Жермен", "Аннеси"-тэй таарав.