Жүдочид Азийн аваргаас 7 медаль авч, багаараа мөнгөн медаль хүртэв

Жүдо бөхийн Азийн аварга шалгаруулах тэмцээн Казахстан улсын Нур-Султан хотноо өндөрлөлөө. Энэхүү тэмцээнд 17 улсын 168 шилдэг тамирчид өрсөлдсөн бөгөөд Монгол Улсаа төлөөлөн олимпийн хүрэл медальт Ц.Цогтбаатар, Ё.Басхүү, Б.Хорлоодой тэргүүтэй 17 бөх оролцов.

Манай тамирчдын медаль авсан байдал

Эмэгтэйчүүдийн ангилалд

• -48 кг – Г.Наранцэцэг хүрэл медаль
• -52 кг – Б.Хорлоодой хүрэл медаль
• -63 кг – Б.Ганхайч алтан медаль
• -70 кг – Ц.Энхчимэг хүрэл медаль

Эрэгтэйчүүдийн ангилалд

• -66 кг- Ё.Басхүү алтан медаль
• -90 кг – Г.Алтанбагана хүрэл медаль
• -100 кг – Б.Гончигсүрэн хүрэл медаль

Ийнхүү багийн нийлбэр дүнгээр Монгол Улс хоёр алт, таван хүрэл медаль гэсэн амжилттай хоёрдугаар байр эзлэв. Харин Япон улс есөн алт, гурван мөнгөн медальтай тэргүүлжээ.

Харин өчигдөр/2022.08.07/ болсон багийн тэмцээнд Япон, Монголын багууд шигшээд шалгарч, Японы баг ялалт байгууллаа. Манай жүдочид эхлээд Хятадыг, дараа нь Узбекистаныг тус тус ялж, финалд үлдсэн ч хүчирхэг Японы багт тахим буулган мөнгөн медалийн эзэд боллоо.