Л.Лха-Очир Даншгийн арслан боллоо

"Даншиг наадам-Хүрээ цам 2022" шашин, соёлын наадамд зориулсан 256 бөхийн барилдаан өндөрлөлөө. Улс, аймгийн алдар цолтой бөхчүүд зодоглосноос Завхан аймгийн Алдархаан сумын харьяат, улсын харцага Л.Лха-Очир түрүүлж Даншиг наадмын арслан цол хүртсэн бол Ховд аймгийн Манхан сумын харьяат , аймгийн арслан Ш.Мөнх-Од үзүүрлэж даншгийн заан боллоо. 

Зуун жилийн өмнө Их хүрээнд хийдэг байсан Даншиг наадмыг 2015 оноос сэргээн Хүй мандлын дэнж дээр нааддаг болсон билээ.