Эмэгтэйчүүдийн 63 кг-д зодоглосон ОУХМ, 27 настай Б.Ганхайч "Жакарта-2018" Азийн наадам, "Хонконг-2017"  тивийн аварга, Японы Н.Набекураг нэмэлт цагийн 2 минут 38дахь секундэд вазаригаар ялж түрүүлэв. Өрсөлдөгч нь түүнээс хоёр дүү аж. Ийнхүү Б.Ганхайч тивийн аваргын медалийн иж бүрэн цуглуулгатай болжээ. Тэрээр тивийн аваргын тэмцээнээс 2017 онд хүрэл, 2019 онд мөнгөн медаль хүртэж байлаа. Бас эмэгтэйчүүдийн 70 кг-д хүч үзсэн ОУХМ Ц.Энхчимэг хүрэл медалийн болзол хангав.  

  Ийнхүү хоёр алт, гурван хүрэлтэй болсон монголчууд багийн дүнгээр хоёрт яваа бол таван алт, гурван мөнгөтэй Япон тэргүүлж, Узбекистан, Казахстан, БНСУ эхний тавд бичигдэж буй.               

Тэмцээнд оролцож байгаа 17 орны 10 нь медаль аваад байна.

СЭТГЭГДЭЛ БИЧИХ