Сэлэнгэ аймагт зохион байгуулагдаж байгаа Гал унтраах техникийн олон төрөлт спортын улсын  аварга шалгаруулах тэмцээний довтолгооны шатны төрөл явагдаж, аваргууд тодорлоо.

Тус төрөлд  Улаанбаатар төмөр замын цэрэгжүүлсэн хамгаалалтын салааны тамирчин спортын мастер Н. Пүрэвдаш 15: 09 секундын амжилтаар тэргүүлсэн бол Булган аймгийн Онцгой байдлын газрын Гал түймэр унтраах, аврах 20 дугаар ангийн тамирчин Б. Мөнх-Эрдэнэ 15:35 секунд,  Увс аймгийн Онцгой байдлын газрын Гал түймэр унтраах, аврах 41 дүгээр ангийн тамирчин Л. Батбаяр 15:87 секундын амжилтаар удаалсан байна.

Тэмцээнд 21 аймаг, нийслэлийн Онцгой байдлын газрын 32 багийн 300 гаруй тамирчин оролцож байгаа бөгөөд 4х100 м-ийн буухиа гүйлтийн төрлөөр үргэлжилж байна гэж Онцгой байдлын ерөнхий газраас мэдээллээ.