"Бостон"-чууд тэргүүлж байна

         NBA-гийн "Дорнод" бүсийн аваргын төлөөх цувралын тав дахь тоглолт өнөөдөр Майами хотын "Американ Эйрланс-Арена" цэнгэлдэх хүрээлэнд боллоо. Энэ тоглолтод "Бостон Селтикс" талбайн эздийг 93:80-аар хожин, цувралыг 3:2-оор тэргүүлж эхэлжээ. Зочдоос хамгаалагч Ж.Браун 25 оноо, дөрвөн удаа самбараас бөмбөг авч, нэгэнтээ оновчтой дамжуулсан бол довтлогч Ж.Тейтум 22 оноогоор тусалсан аж. Харин талбайн эздээс төвийн тоглогч Э.Адебайо 18 оноо, арван удаа самбараас бөмбөг авч, нэг удаа оновчтой дамжуулсан байна. Зургаа дахь тоглолт бямба гарагт Бостоны "Ти-Ди Гарден"-д болно.