Ёкозүна Тэрүнофүжи долоо дахиа түрүүлэв

Мэргэжлийн сумогийн Нацү башё Токио хотын "Рёогокү Кокугикан" ордонд өндөрлөлөө. Макүүчи зиндааны түрүү бөхийн нэр сүүлчийн өдрийг хүртэл тодорхойгүй байсан нь энэ башё хэр өрсөлдөөнтэй, хэр сонирхолтой болсныг илтгэнэ. Маэгаширагийн дөрөв дэх бөх Таканошо, ёкозүна Тэрүнофүжи нар 11 даваа, гурван унаатайгаар сүүлийн өдөртэй золгосон ба Таканошо маэгашира Саданоумид ялагдав. Харин ёкозүна Тэрүнофүжи урьд нь 12 давж, тав унасан озэки Митакэумитэй барилдах байлаа. Тэрүнофүжи давбал долоо дахиа түрүүлэх, унавал Саданоуми, Таканошо, Тэрүнофүжи нар тойргоор барилдаж, Нацү башёгийн түрүү бөхийг тодоруулна. Тэрүнофүжи түрүүлэх боломжоо алдахыг хүссэнгүй, озэки Митакэумиг хэдхэн секундын дотор барьцтай түлхээд, дэвжээнээс гаргаснаар эзэн хааны цомыг долоо дахиа хүртэв.

Нацү башёд зодоглосон нутаг нэгт бөхчүүдийнхээ амжилтыг сонирхуулъя.

Макүүчи Ёкозүна Тэрүнофүжи Г.Ган-Эрдэнэ-12:3 түрүү

Комүсүби Хоошёорюү С.Бямбасүрэн-8:7

Маэгашира-1 Ичиножо А.Ичинноров-гэмтсэн

Маэгашира-2 Кирибаяма Б.Лхагвасүрэн-10:5

Маэгашира-3 Б.Мөнх-Оргил-9:6

Маэгашира-11 Чёошёома Г.Мөнхсайхан-6:9

Маэгашира-15 Азүмарюү С.Тодбилэг-5:10

Жюүрёо З-3 Миторюү Б.Төрболд-7:8

Б-5 Дайшёохо Ч.Шижирбаяр-9:6

Макүшита З-2 Хокүсэйхо Э.Даваанинж 5:2

З-8 Оошёоүма П.Дэлгэрбаяр-7:0 түрүү З-26 Араүма Б.Төртогтох-2:5

Б-26 Тамашёохо Э.Энхманлай-5:2

Б-43 Дэванорюү Т.Тэмүүлэн-6:1

Б-45 Хокүтэнкай Г.Сүхбат-5:2

Б-51 Токисоүма Б.Анхбаяр-4:3

Санданмэ З-19 Саданохикари Д.Наранцогт-4:3

З-37 Хокүтомарү Н.Чинзориг-4:3

Жонидан Б-21 Котокэнрюү Г.Билгүүн-6:1.

Нагоя башёгийн чансаа буюу банцүкэг Японы мэргэжлийн сумогийн холбооноос зургадугаар сарын 27-нд зарлаж, тэмцээн долдугаар сарын 10-24-нд Нагоя хотод болно.