"Реал" аваргын төлөө шалгарав

             Аваргуудын лигийн хагас шигшээгийн хариу тоглолтод Испанийн "Реал" (Мадрид) алдарт "Сантьяго Бернабеу" цэнгэлдэх хүрээлэндээ Английн "Манчестер Сити"-г хүлээн авч, 3:1-ээр хожлоо. Тоглолтын 73 дахь минутад зочин багийн 31 настай алжир довтлогч Р.Марез гоолдож, салхийг хагалсан бол Эзэн хааны багийн 21 настай бразил довтлогч Родриго 90 дэх минутад тоог тэнцүүлжээ. Минутын дараа мөнөөх бразил залуу дахин гоолдсоноор хоёр баг 5:5-аар тэнцсэн тул цаг сунгах болсон аж. Эхний тоглолтод "Манчестер Сити" 4:3-аар хожсон юм. Харин эцсийн цэгийг "Реал"-ын 34 настай франц довтлогч К.Бензема 95 дахь минутад 11 метрийн торгуулийн цохилт амжилттай гүйцэтгэн тавив.