Х.Гвардиола гэрээгээ сунгана

                        "Английн "Манчестер Сити" багийн ахлах дасгалжуулагч Хосеп Гвардиола багтайгаа удахгүй шинэ гэрээ байгуулна" гэж The Sun мэдээлэв. Эх сурвалжийн мэдээлсэнчлэн 51 настай испани мэргэжилтэн тус багтай 2025 он хүртэл гэрээ байгуулахаар тохиролцжээ. Түүний гэрээ 2023 оны зун дуусах ба 2016 оноос хойш "Манчестер Сити"-г удирдаж байгаа юм. Х.Гвардиолагийн удирдлаганд уг баг 2018, 2019, 2021 онд улсдаа түрүүлж, Английн лигийн цомд 2018-2021 онд аваргалан, Английн цомыг 2019, Супер цомыг 2018, 2019 онд хүртсэн аж.