С.Моллай Азербайжаны нэрийн өмнөөс барилдах хүсэлтэй байна

           "Азербайжаны жүдо бөхийн шигшээ баг удахгүй шинэ тамирчинтай болж магадгүй" гэж azerisport.com мэдээллээ. Уг шинэ тамирчин нь "Токио-2020" олимпын мөнгө, дэлхийн аваргын алт, хүрэл, "Жакарта-2018" Азийн наадмын мөнгө, Азийн аваргын нэг мөнгө, хошой хүрэл медальт, Монголын иргэншилт, иран жүдоч Саид Моллай юм. Азербайжаны жүдо бөхийн холбоонд өргөдөл илгээн, улсыг нь төлөөлөн олон улс, тив, дэлхийн тэмцээнд зодоглох хүсэлтэй буйгаа илэрхийлсэн тэрээр одоо Бакуд байгаа аж. Биеийн байдлаа шалгаруулахаар очсон Саид Европын аварга шалгаруулах тэмцээнд оролцох багийн цугларалтад нэгдэж, эрүүл мэндийн үзлэгт хамрагджээ.