К.Пол плей-оффын дээд амжилт тогтоов

     "Финикс Санс" багийн холбон тоглогч Крис Пол ганц ч шидэлт алдалгүйгээр довтолж, Америкийн үндэсний сагсан бөмбөгийн холбооны дээд амжилт тогтоолоо. Ирэх сарын 6-нд 37 нас хүрэх тэрбээр "Нью-Орлеан Пеликанс"-тай хийсэн плей-оффын эхний шатны цувралын зургаа дахьд 14 шидэлтээ цөмийг нь оруулж, 100 хувийн амжилттайгаар 33 оноо авчээ. Эл цувралд "нарнууд" өрсөлдөгчөө 4:2-оор илүүрхэж, "Өрнөд" бүсийн хагас шигшээд шалгарсан аж. Бүсийнхээ аваргын төлөөх тоглолтод шалгарахын тулд тэд "Даллас Маверикс"-тэй тулжээ. "Даллас"-чууд плей-оффын эхний шатанд "Юта Жаз"-ыг мөн 4:2-оор буулгаж авсан юм.