"Алтан мужийн дайчид" дараагийн шатанд шалгарав

             NBA-гийн "Өрнөд" бүсийн плей-оффын эхний шатанд "Голден Стэйт Уорриорз", "Денвер Наггетс"-тай таарсан билээ. Цувралын тав дахь тоглолт Сан-Франциско хотын "Чейз Центр" цэнгэлдэх хүрээлэнд болов. Энэ тоглолтод талбайн эзэд 22 оноогоор илүүрхэж, 120:98-аар хожсоноор дараагийн шатанд шалгарлаа. "Денвер Наггетс"-ийн серб төвийн тоглогч Никола Йокич 30 оноо, 19 удаа самбараас бөмбөг авч, найман удаа оновчтой дамжуулсан бол "Голден Стэйт Уорриорз"-ын лидер Стефен Керри 30 оноо авчээ.