Австрид цасан нуранги нуржээ

       Австрийн Зальцбург муж цасан нурангид өртсөн байна. Үүний улмаас доод тал нь гурван хүн нас барж, хоёр хүн эмнэлэгт хүргэгдсэн талаар ням гарагт OE24 интернет телевиз мэдээлэв. Уг мэдээллээр бямба гарагт цанаар гулгаж байсан 11 хүн цасан нурангид өртжээ. Тэдний тав нь "Red Bull" багийн мотоцикльчин аж. Нас барагчдын нэг нь мото уралдааны өсвөр үеийн дэлхийн хошой аварга, "KTM" багийн Рене Хофер байв.