Цагаан ордонд 41 гацуур засжээ

  "АНУ-ын ерөнхийлөгчийн ордонг Зул сарын баяраар тохижуулав. Тохижуулах ажил 11-р сарын 29-ний даваа гарагт дууслаа" гэж "Нью-Йорк Пост" сонинд бичсэн байна. Энэ нь одоогийн ерөнхийлөгч Жо Байден, тэргүүн хатагтай Жилль хоёрын хувьд Цагаан ордон дахь анхны Зул сарын баяр нь юм. Тэнд 41 гацуур мод зассан ба нэгийг нь ерөнхийлөгч асан Доналд Трамп, экс тэргүүн хатагтай Меланья Трамп хоёрын гэрэл зургаар чимжээ. Ордонд шинэ жилийн 25 хэлхээ, баярын зүүлт, задгай зуухан дээр бэлэг дурсгалын оймс  өлгөсөн аж. Чимэглэлд хоёр км орчим тууз, 300 гаруй лаа, 10 мянга орчим чимэглэл ашиглажээ. Цагаан ордны гадна болон дотор талыг чимэглэхэд зуун сайн дурынхан долоо хоног орчим ажилласан гэнэ.