Марадонаг оршуулахдаа зүрхийг нь аваад үлджээ

    Дэлхийн хөлбөмбөгийн аварга, Аргентины шигшээ багийн довтлогч асан Диего Марадонаг оршуулахдаа зүрхийг нь авч үлджээ. Mercopress сайтад ингэж бичсэн байна.  Аргентины мэдрэлийн эмч, телевизийн хөтлөгч Нельсон Кастро энэ тухай ярьжээ. Эмч нар Марадонагийн нас барсан жинхэнэ шалтгааныг тогтоохын тулд түүний зүрхийг судласаар байгаа гэж тэр хэлсэн байна.  Тэгэхэд Марадонагийн зүрх  500 грамм жинтэй байсан бөгөөд харин эрүүл зүрх 300 орчим грамм жинтэй байдагт Кастро анхаарал хандуулжээ. Бие тааруу хөлбөмбөгчнийг муу харж хандаж байсан гэж Марадонагийн өмгөөлөгч асан Матиас Морла аравдугаар сарын сүүүлчээр мэдэгдсэн юм. Энэ алдаа нь  хөлбөмбөгчийг үхэлд хүргэсэн гэдэгт тэр итгэлтэй байдаг ажээ. Марадона 2020 оны арваннэгдүгээр сарын 25-нд 60 настайдаа таалал төгссөн билээ.