Аргентинчуудын гайхамшиг үргэлжилсээр

                Аргентины шигшээ баг хөлбөмбөгийн 2022 оны дэлхийн аварга шалгаруулах тэмцээний урьдчилсан шатны тоглолтод Уругвайг 1:0-ээр хожив. Ийнхүү тэдний хожигдоогүй цуврал 26-д хүрлээ. Лионель Скалонигоор удирдуулсан аргентинчүүд хамгийн сүүлд 2019 оны долдугаар сарын 3-нд "Copa America"-гийн хагас шигшээд Бразилд 0:2-оор хожигдсоноос хойш ялагдал гээчийн мартаад байгаа юм. 2018 оны есдүгээр сараас шигшээ багаа дасгалжуулах болсон түүний удирдлага доор 1978, 1986 оны дэлхийн аваргууд 24 хожиж, ес тэнцэн, дөрөв хожигдоод буй.