Их Британийн дуучин, хөгжмийн зохиолч Элтон Жон Дуа Липатай хамтарсан “Cold heart” дуугаараа шинэ дээд амжилт тогтоолоо. Тэрбээр 16 жилийн дараа анх удаа үндэсний чартуудыг тэргүүлсэн юм. Дууны 3D клипийг хүүхэлдэйн киноны нэрт мастер найруулагч Раман Жафари дэглэсэн байна. Энэ бол Жафарийн сүүлчийн төсөл байв. Энэхүү шинэ найруулга нь домогт дуучны 60 жилийн карьер дуусаагүйг баталсан юм. Британийн хөгжмийн шилдэг 10 чартыг тэргүүлсэн Элтон Жон Элвис Пресли, Чер, Клифф Ричард, Майкл Жексон, Дэвид Боуи нарын амжилтыг давлаа. Тэдний дуунууд Британийн чартын шилдэг арван жагсаалтад 50 жил багтсан байдаг. Элтон Жон өмнө нь Майли Сайрусын “Metallica” цомогт хамтран ажилласан юм.