Дагомей Амазонууд бол цорын ганц эмэгтэй цэргийн анги тул дэлхийн түүхэнд өвөрмөц бичигддэг юм. Өмнөд Африкийн Сахар орчимд амьдарч, Европын колоничлогчидыг хуйс тэмтэрдэг аймшигт эмэгтэй "терминаторууд" -ын энэ бүлэглэлийг гадаадынхан Дагомей Амазон гэж нэрлэдэг байв. Тэд өөрсдийгөө "бидний ээжүүд" гэсэн утгатай Н'Нонмитон гэж нэрлэжээ.

Дагомей Амазонуудыг Дагомей (одоогийн Бенин улсын бүгд найрамдах улс) дахь элит цэрэг гэж үздэг байсан. Н'Нонмитон хамгийн цуст тулалдааны үеэр хааныгаа өмгөөлж, халдашгүй эрхийг нь хамгаалдаг байсан. Мөн тэдний онцгой "заль мэх" нь хохирогчдын толгойг таслах явдал байв.

Амазонууд бол домог болон домогт дүр огтхон ч биш юм. Хамгийн сүүлд амьд үлдсэн Дагомей Амазон саяхан буюу 1979 онд 100 насандаа таалал төгсчээ. Судлаачид алслагдсан тосгонд амьдардаг сүүлчийн тулаанч Нави хэмээх эмэгтэй олж мэджээ.

19-р зуунд 6000 эмэгтэй цэргүүд Амазоны корпуст алба хааж байсан (армидаа нийт 25000 хүн байсан, өөрөөр хэлбэл Амазончууд Дагомейны армийн гуравны нэг орчим хувийг эзэлж байсан).

Тэдний түүх 17-р зуунд эхэлсэн. Эрдэмтэд Амазоны корпус нь анх зааныг агнах зорилгоор байгуулагдсан гэж таамаглаж байна. Гэхдээ эмэгтэйчүүд Дагомейгийн хааныг ур чадвараараа маш их гайхшруулж чадсан тул хаан тэднийг бие хамгаалагчаа болгохыг хүссэн юм. Өөр нэг түүхээс харахад эмэгтэйчүүд харанхуй болсон хойно хааны ордонд үлддэг цорын ганц хүмүүс байсан тул хааны бие хамгаалагч байсанд нь гайхах зүйлгүй юм.

Н'Нонмитонд хамгийн хүчтэй, эрүүл, зоригтой эмэгтэйчүүдийг шалгаруулсан. Дараа нь тэд хатуу бэлтгэлийн явцад орж, хоёр зууны турш Африк даяар айж байсан жинхэнэ аллагын машин болж хувирав.

Амазонууд Голландын винтов буугаар зэвсэглэсэн байв. 19-р зууны эхэн үед тэдний корпус нь хаандаа бүрэн үнэнч, бүрэн хэмжээний цэргийн анги болжээ. Н'Нонмитоны армид охидыг дөнгөж найман настайгаас нь элсүүлж зэвсэгийн эрдэмд сургадаг. Нийгмийн зарим эмэгтэйчүүд сайн дураараа цэрэг болох хүсэлтэй байсан бол зарим нь үгэнд нь ордоггүй ширүүн эхнэрүүдийнхээ талаар гомдол гаргасан нөхрүүд эхнэрээ цэрэгт явуулдаг байв

Анхнаасаа Амазонуудыг хүчтэй, хурдан, харгис хэрцгий, асар их өвдөлтийг тэсвэрлэх чадвартай гэж сургадаг байв. Гимнастикийн зарим хэлбэрийг санагдуулам дасгалууд нь хуайсны өргөст мөчрөөр хучигдсан ханан дээгүүр үсрэхийг багтаажээ. Түүнчлэн сэлмээр цавчих сургуулилт ширэнгэн ойд 10 хоног үргэлжилдэг байв. Дагомей Амазонууд тулалдаанд үл таних хүн эсвэл өөрсдийнхөө үхлээр тулалддаг нь гайхмаар зүйл биш юм.

Н'Нонмитон эмэгтэйчүүдийг цэргийн алба хааж байхдаа гэрлэх, хүүхэд төрүүлэхийг хориглодог байв. Түүгээр ч үл барам тэднийг хаантай албан ёсоор гэрлэсэн гэж үздэг байсан ч хаан хүртэл ариун явдлын тангаргаасаа няцаж зүрхлээгүй. Хэрэв Амазонийг хаан биш, өөр хэн нэгэн хөндсөн бол энэ нь түүний хувьд үхэл ирсэн гэсэн үг юм.

1863 оны хавар Британийн аялагч Ричард Бертон Баруун Африкт ирж, Дагомейгийн эрэгт Британийн номлол байгуулж, Дагомейтай энх тайвныг тогтоохыг оролдов.

Дагомейчууд боолыг идэвхтэй ашиглан дайтаж байсан үндэстэн байсан бөгөөд тэд үндсэндээ олзлогдсон дайснуудаа өөрсдийн боол болгон хувиргадаг юм. Гэхдээ хамгийн чухал нь Бартоныг Дагомейгийн элит дайчид гайхшруулсан юм.

"Эмэгтэйчүүдэд ийм сайн хөгжсөн араг яс, булчингууд байсан нь гайхалтай бөгөөд зөвхөн хөхтэй байхыг харснаар тэдний хүйсийг тодорхойлдог байв."

Гол зэвсэг нь Голландын винтов буу байсан бөгөөд Дагомей Амазончууд өөрсдийн сэлмээр олзлогсдын толгойг тасладаг байжээ. Дараа нь өрсөлдөгчдийнхөө толгой, бэлэг эрхтнийг аваад гэртээ харьдаг заншилтай байв.

Харгис хэрцгий бэлтгэлтэй байсан ч олон эмэгтэйчүүдийн хувьд энэ нь Дагомейн нийгэмд заяагдсан уйтгартай амьдралаас зугтах боломж байв. Н'Нонмитонд элсэхдээ эмэгтэйчүүдэд нийгэмших, тушаал авах, нэр нөлөө олох боломжийг олгосон. Тэд бүр баяжих боломжтой байсан ч энэ нь ховор тохиолддог байв.

Амазонуудыг судлахад зориулсан англи хэл дээрх цорын ганц бүрэн хэмжээний тракт зохиолч Стэнли Алперн: "Амазонууд ордноос гарахад тэдний урд үргэлж хонь барьсан боол охин явж байдаг. Хонх дуугарах нь эрэгтэй хүн болгонд замаасаа гарч, жаахан хол явж, нөгөө зүг рүү хар гэсэн дохио. "

1890-ээд оны үед Францчууд Гадаадын Легионы дэмжлэгтэйгээр Дагомейг эзлэн авсны дараа ч Амазонуудаас эмээх дүрмийг үргэлжлүүлсээр байв. Дагомей эмэгтэйчүүдтэй хамт хоносон Францын цэргүүд өглөө нь ихэвчлэн хоолойгоо хэрчүүлж үхсэн байхыг олдог байв. Эмэгтэй өрсөлдөгчдийг дутуу үнэлэх нь Францын түрэмгийлэгчдийн дунд хохирогчдын тоог нэмэгдүүлэхэд хүргэдэг.

Орчуулсан СайханУул