Хойд Солонгосын эрх баригчид БНСУ-ын хөгжим, кинонд "дайн зарлав"

    "Хойд Солонгосын удирдагч Ким Жөн Ун К-попыг "хорт хавдар" хэмээн нэрлэлээ. Түүнээс гадна тус улс БНСУ-ын кино үзэж, хөгжим сонсвол оноох шийтгэлийг чангатгажээ" гэж "Нью-Йорк Таймс" сонины Өмнөд Солонгосын товчооны дарга Чой Санг Хун бичжээ. Тэрээр Хойд Солонгосын суртал ухуулга олон жилийн турш Өмнөд Солонгос дахь амьдралын хүнд хэцүү байдлыг дүрслэн харуулсан ч үүнийг нь Хятадаар дамжин хууль бусаар тус улсад нэвтэрсэн өмнөд солонгос кино, клипүүд устгаж буйг тэмдэглэсэн аж. Харин Өмнөд Солонгосын "Daily NK"  сонинд "Коронавирусийн хорио цээрийн арга хэмжээний үед БНАСАУ-ад манай клип, кинонууд нэр хүндтэй болж эхэлсэн" гэж бичсэн байна.