Дэлхийн хамгийн өнөр өтгөн өрхийн тэргүүн хорвоог орхив

    Энэтхэгийн Мизорам мужийн зүүн хойд нутгийн оршин суугч Зиона Чана 76 насандаа таалал төгсөж, 39 эхнэр, 94 хүүхэд, 33 ач, зээ нь өнчирч үлдсэн талаар PTI агентлаг даваа гарагт мэдээллээ. Өнгөрсөн ням гарагт хорвоог орхисон түүний үхлийн шалтгаан даралт ихэссэнээс болсон бөгөөд чихрийн шижин өвчнөөр шаналж асан талийгаач олон эхнэр авах үйл ажиллагаа эрхэлдэг нутгийн Чана Павл урсгалын удирдагч байжээ. Дашрамд дурдахад шашны эл нийгэмлэгийг 1942 онд өвөө нь байгуулсан аж. Нийгэмлэгийн гишүүд Айжал хотоос 55 км-ийн зайд орших Бактаунг тосгонд амьдардаг ба одоогоор 400 орчим гэр бүлийг нэгтгэж буй гэнэ.