2008 онд Америкийн Техас мужийн иргэн Майра Розалес, хоёр настай зээ дүүгээ дарж алсан хэргээр цагдаад дуудагдсан юм.

500 кг дэлхийн хамгийн хүнд жинтэй Майра дүүгийнхээ бага хүүг саатуулж байгаад тоглоом нь эвдэрсэн тул засч өгөхөөр сарвайн хүчээ тэнцүүлэх аргагүйн улмаас орноосоо унаж зээ дүүгээ дороо дарсан гэх дуудлага өгсөн байв.

Цагдаа нар Майраг хүн амины хэрэгт баривчлахаар иртэл 500 кг жинтэй аварга эмэгтэйг хөдөлгөх ямар ч аргагүй байв.

Тэд байшингийнх нь нэг ханыг нурааж, эмнэлгийн машин ашиглан авч явж байцаах гэсэн ч цагдаагийн болон хорих газрын хаалгаар ч багтаагүй байна.

Түүний тухай телевиз болон бусад мэдээлэх бүх сувгаар нэвтрүүлж байсан бөгөөд, Америкийн иргэд түүнийг алуурч гахай хэмээн үзэн ядаж байв.

Гэвч шүүх эмнэлгийн шинжилгээгээр хүү дарагдаж биш тархины хүнд гэмтэл цохигдсноос үүдэн нас барсан дүгнэлт гарч, Майрагийн өмгөөлөгч зөвхөн үнэнийг хэлэхийг хүссэн аж.

Удтал чимээгүй байсан Майра,

- Дүү маань 4 хүүхэдтэй, гэтэл тэр өдөр архи ууж ихээр согтон, гэртээ орж ирсэн бөгөөд бага хүү нь ээжээсээ ямар нэгэн юм нэхэж байсан.

Гэтэл дүү маань хүүгээ гэнэт түлхсэн бөгөөд хүү эрчээрээ хана мөргөн унасан хэмээжээ.

Гэхдээ дүүг минь битгий шийтгээч.

Би одоо ч бага багаар үхэж байна.

Төдий удалгүй үхэх хүн, дүүгийнхээ өмнөөс ялыг нь эдлэмээр байна гэсэн байдаг.

Дүүг нь хорьж шалган түүнд 15 жилийн ял өгөх үед алуурч гахайн тухай Америкчууд үзэл бодлоо хэлцгээж, ихээр өрөвдцгөөсөн юм.

~Дүүгээ ял эдлэж байх хугацаанд чиний хайр зээ дүү нарт чинь хэрэгтэй,

~Биеэ эмчлүүлж эрүүл саруул байгаарай

~Хүнлэг эмэгтэй гэх мэт үгсээр түүнийг уучилсан байна.

Тэр үлдсэн гурван зээ дүүгийнхээ төлөө амьдрах хэрэгтэйгээ ухаарч эмч нарт хандсан юм

11 удаагийн том хэмжээний хагалгааны дунд 350 кг хасав.

Маш их хичээл зүтгэлийн дараа буюу 2017 онд 90 кг жинтэй болж гайхалтай сайхан бүсгүй болсон юм.

Тэрээр өөрийнхөө гунигт амьдралын тухай ийнхүү дурссан байдаг.

Аав минь гэрээс явахын өмнө олон хүүхнүүдтэй орооцолддог байсан.

Тэр бүрт ээж сэтгэлээр унан, байнга уйлж гуних болж, бидний амьдрал нэг мэдэхэд сөнөж эхлэсэн юм.

Би тэр үед арваад настай байсан.

Маш их стресст орж, ширээн дээр байгаа идэж болох зүйлийг бүгдийг идэн, гэрээс огт гарахаа больсоор 28 насандаа 480 кг болсон байсан...

Миний хажууд нөхөр минь болон дүү, түүний 4 хүүхэд л үлдсэн байсан гэжээ.

Майра өнөөдөр гайхалтай сайхан эмэгтэй болж чадсан.

Тэрээр орон даяар намайг шоолон гутааж байхыг уншиж сонсоход үнэхээр хүнд байсан

Надад итгэл гэх үг хуурамч муухай сонсогдож, үнэхээр өдрөөр биш хором хормоор үхүүлж байхыг мэдэрсэн юм

Гэтэл эргээд тэр олон хүн надад хүч өгөхөд өнчин үлдэж байгаа зээ дүү нарынхаа төлөө босч зогсох ёстой юм байна гэдэг том зорилгыг өмнө минь нээж өгсөн.

Би өөрийгөө ялж чадсан хэмээжээ.

Deeva jeccica youtube content.

Орчуулсан СайханУул.