Билл, Мелинда Гейтс нар салах гэж байгаагаа зарлав

   “Майкрософт” компанийг үндэслэгч Билл Гейтс, түүний гэргий Мелинда нар 27 жил ханилан амьдарсны эцэст салах гэж байгаагаа зарлажээ.  “Удтал тунгаан бодож, цаашид хэрхэх тухай ярилцсаны эцэст бид гэрлэлтээ цуцлахаар шийдлээ” гэж Гейтсийн “Твиттерт” байршуулсан мэдэгдэлд өгүүлжээ.  “27 жил хамт амьдарсан хугацаандаа  бид гурван сайхан хүүхэд өсгөж, эрүүл, үр  бүтээлтэй аж төрөхөд нь дэлхийн хүн ардад тусладаг буяны сан байгуулсан юм. Бид  энэ үйл ажиллагаандаа итгэх итгэлээ урьдын адил хуваалцаж, тус санд цаашид  хамтран ажиллах ч, харин хамт байж чадна гэдэгт итгэхээ больж байна” гэж мэдэгдэлд дурджээ.  Билл Гейтс ирээдүйн гэргийгээ “Майкрософт” компанид ажиллахаар ирсэн үед 1988-ад оны сүүлчээр түүнтэй танилцсан байна.