“McDonalds” компани BTS хамтлагийн нэрийн хоолыг зах зээлд гаргана

Дэлхийн хамгийн том түргэн хоолны сүлжээ “McDonalds” компани БНСУ-ын хөвгүүдийн хамтлаг болох BTS-тэй хамтран ажиллаж, тусгай нэрийн хоол зах зээлд нэвтрүүлэхээр боллоо.   Тавдугаар сарын 26-наас эхлэн АНУ-д зарагдаж эхлэх уг хоол нь 10 ширхэг тахианы нагет, дунд хэмжээтэй шарсан төмс, Coke ундаа, Өмнөд Солонгос дахь салбарынх нь санаачилсан чихэрлэг болон “Cajun” сүмстэй байх гэнэ. BTS нэрийн хоол дэлхийн зургаан тивийн 50 улсын зах зээлд зэрэг нэвтрэх болсноороо онцлог бөгөөд анхдагч болж байна.