Цагдаагийн офицерийн үхэлтэй холбоотой этгээдүүд 20 хүртэлх жил хоригдоно

   "АНУ-ын эрх баригчид Капитол ордны үймээнд оролцсон хоёр хүнийг хожим нь нас барсан цагдаагийн офицерт халдсан хэмээн буруутгав" гэж "Вашингтон Пост" сонинд бичжээ. 32 настай Жулиан Эли Хэтэр, 39 настай Жорж Пьер Таниос нарыг гуравдугаар сарын 15-нд баривчилсан бөгөөд үйл явдалтай холбоотой видео бичлэгийг нийтэлсний дараа Холбооны мөрдөх товчоотой холбогдсон сайн дурын мэдээлэгчдийн ачаар тэдний хэн болохыг тогтоожээ. Өмнө нь эсэргүүцэгчид цагдаагийн офицер Брайан Сикник рүү зарим төрлийн бодис цацсан гэж хэвлэл мэдээллийн хэрэгслээр мэдээлж байсан аж. Прокурорын хэлснээр энэ нь баавгай айлгадаг шүрших хэрэгсэл байсан ба Хэтэр тийм шүршигч өгөхийг Таниосоос шаардаж буй агшинг бичлэгт харуулсан байна. Тэднийг цагдаагийн офицер Брайан Сикник агсан руу халдсан зэрэг есөн зүйл ангиар буруутгаж буй агаад энэ 20 хүртэлх жилийн хорих ялтай гэнэ.