Д.Трампын зөвлөх бүсгүй Цагаан ордонг орхив

            Хэдхэн хоногийн дараа сэнтийгээсээ буух АНУ-ын ерөнхийлөгч Доналд Трампын хамгийн ойрын зөвлөхүүдийн нэг Хоуп Хикс Цагаан ордонг орхисон тухай CNN мэдээллээ. Өмнө нь загвар өмсөгчөөр ажиллаж байсан 32 настай тэр, 2017-2018 онд Цагаан ордонд Харилцаа холбооны газрын даргын алба хашиж байсан ч ерөнхийлөгчийн төлөө худлаа ярьж буйгаа хүлээн зөвшөөрсөн дуулианы дараа огцорчээ. Үзэсгэлэнт энэ бүсгүй 2020 оны хоёрдугаар сард одоогийн ерөнхийлөгчийн зөвлөхөөр ажиллахаар эргэж ирсэн юм.