Криштиану Роналдугийн дээд амжилт

 Аваргуудын лигийн "G" хэсгийн тавдугаар тойрогт Италийн "Ювентус" Украины "Динамо"-г 3:0-ээр хожив. Ф.Кьеза 21, К.Роналду 57, А.Мората 66 дахь минутад гоол оруулсан юм. 35 настай португали довтлогч Аваргуудын лигд талбайдаа хийсэн тоглолтод 71 дэх гоолоо оруулж, дээд амжилтын эзэн болов. Түүнчлэн энэ гоол түүний замналын 750 дахь гоол аж. Өмнөх рекордыг эзэмшиж байсан Аргентины шигшээ болон Испанийн "Барселон" багийн довтлогч Лионель Месси алдарт "Камп Ноу" цэнгэлдэх хүрээлэндээ 70 гоол хийсэн билээ.