"Байерн" өрсөлдөгчөө бут ниргэж, Р.Левандовски хоёр гоол оруулав

Аваргуудын лигийн гуравдугаар тойрогт "А" хэсэгт Германы "Байерн" Австрийн "Зальцбург"-ийг 6:2-оор бут ниргэжээ. Тоглолтын гол баатраар "Байерн"-ий польш довтлогч Роберт Левандовски тодорсон ба 21, 88 дахь минутад гоол оруулсан аж.

Түүнчлэн "Байерн"-ий Боатенг, Сане, Эрнандес, "Зальцбург"-ийн Бериша, Окугава нар тус бүр нэг гоол өрсөлдөгчийнхөө хаалганд хийв. Мөн Австрийн багийн Кристенсен өөрийнхөө хаалганд гоол оруулсан байна.

"А" хэсгийг есөн оноотой "Байерн" хошуучилж, "Атлетико" дөрөв, "Локомотив" хоёр, "Зальцбург" нэг оноотой удаалж буй.