Энэтхэгт нэг өдөрт халдварын 78 мянган тохиолдол бүртгэгдлээ

Энэтхэг улсад өнгөрсөн 24 цагийн хугацаанд коронавируст халдварын 78,761 тохиолдол бүртгэгдсэн нь дэлхий дахинд хоногт бүртгэгдсэн хамгийн өндөр үзүүлэлт боллоо. 

 Халдварын тохиолдлоороо дэлхийд гуравдугаарт орж буй тус улсад хоногт бүртгэгдсэн энэ тоо долоодугаар сарын 17-нд АНУ-д бүртгэгдсэн 77 мянган тохиолдлоос давжээ. 

 Ням гарагт дэлхий дахинд бүртгэгдсэн халдварын нийт тохиолдол 25 сая давж, нийт 843 мянган хүн нас бараад байна. АНУ-д 6 сая, Энэтхэгт 3,6 сая, Бразилд 3,8 сая тохиолдол тус тус бүртгэгджээ.