Дэлхий даяар халдвар авагсдын тоо 24 саяд хүрлээ

Дэлхий даяар нэг өдөрт коронавируст халдварын 239,573 шинэ тохиолдол илэрч, 5809 хүн нас барлаа. Ингээд нийт халдвар авагсдын тоо 24 сая, нас барагсдын тоо 822 мянга болжээ. Нийт 16,5 сая хүн эдгэрсэн бол 6,6 сая нь эмчлэгдэж байна.

Түүнчлэн дэлхий даяар 216 улс өөрийн нутаг дэвсгэрт коронавирусийн халдвар бүртгэгдсэнээс ердөө 10 орон л халдварын тохиолдлуудаа бүрэн эдгээгээд байна. Эдгээр нь ихэвчлэн арлын орнууд бөгөөд хоёр нь эх газрын улс юм.

Эх газарт байрладаг Ватикан хот улсад 12, БНХАУ-ын харьяа Макаод 46 тохиолдол илэрсэн боловч нэг ч хүний амь эрсдэлгүйгээр эдгэсэн байна. Харин Isle of Man-д 336 халдвар илэрснээс 24 нь нас барж үлдсэн нь эдгэсэн бол Монсеррат аралд мөн 13 тохиолдол илэрснээс нэг хүн нас барж 12-ыг нь эдгээжээ.