Унгарт эрдэмтэн, судлаачдыг сургах чиглэлээр хамтарна

Хүнс, хөдөө аж ахуй, хөнгөн үйлдвэрийн сайд З.Мэндсайхан Унгар Улсаас Монгол Улсад суугаа Элчин сайдын яамны хэргийг түр хамаарагч Борбала Обрушанскиг өнөөдөр хүлээн авч уулзлаа.


Уулзалтын эхэнд хоёр улсын хөдөө аж ахуйн салбарын хамтын ажиллагаа өргөжин тэлж байгааг Обрушански онцлон тэмдэглээд, үүний нэг илрэл нь Биокомбинат УТҮГ-т хэрэгжүүлж байгаа төсөл гэдгийг тодотголоо. Унгарын Хөдөө аж ахуйн яамнаас урт болон богино хугацааны сургалт, тэтгэлэгт хөдөө аж ахуйн салбарын мэргэжилтэн, эрдэмтэн судлаачдыг хамруулах чиглэлд хамтран ажиллахад бэлэн байгаагаа энэ үеэр илэрхийлэв.


ХХААХҮ-ийн сайд З.Мэндсайхан салбарынхаа эрдэмтэн судлаачдыг сургах чиглэлд хамтран ажиллахад таатай байгааг хэлэв. Цаашид усны менежментийг сайжруулах, олон улсын стандартад нийцсэн хүлэмжийн аж ахуйг хөгжүүлэх чиглэлд ажиллах сонирхолтой байгаагаа дурьдав. Биокомбинат УТҮГ-т хэрэгжиж байгаа Унгарын төсөл дээр шаардлагатай арга хэмжээг шуурхай авч ажиллана гэсэн юм.


Сэтгэгдэл бичих

Сэтгэгдлүүд

Зочин - 64.119.25.842020-08-08 21:28:16

Хайран салбар юу ч мэдэхгүй хоёр новш ирлээ. Ядаж хуучин дэд сайдаа үлдээчихгүй