100 айлд үйлчилгээ эрхэлдэг 20 гаруй үйлдвэрийн үйл ажиллагааг зогсоожээ

Өнөөдөр 100 айлын барилгын захыг нүүлгэх ажлын хэсэг хуралдлаа. Тодруулбал 2018 оноос эхлэн 100 айлын барилгын захыг нүүлгэх ажил үе шаттайгаар эхэлсэн юм. 100 айл орчмоор 1970-аад оноос хойш дэд бүтэц, хөрөнгө оруулалтын ажил хийгдээгүй байсан аж. Тэгвэл өнгөрсөн онд үерийн усны далан, газар доорх байгууламж, явган хүний замыг шинэчилж, дөрвөн эгнээтэй зам, дугуйн зам тавих зэрэг ажлыг хийгээд байна.


Өнөөдрийн байдлаар барилгын материалын 20 гаруй үйлдвэрүүдийн үйл ажиллагааг зогсоожээ. Ингэснээр 100 айл орчмын замын түгжрэл тодорхой хэмжээнд буурсан. Харин барилгын материалын худалдаа эрхлэгчдийг бусад дүүрэгт тарааж байрлуулна гэдгийг ажлын хэсгийн ахлагч Ч.Гантулга онцоллоо.



 

Налайхын барилгын материалын паркийн бүтээн байгуулалтын ажил хийгдэж байгаа бөгөөд нийт 40 га газарт үйлдвэр барина. Үүний 13 га газарт 100 айлын барилгын материалын үйлдвэрүүдийг оруулах аж. Одоогийн байдлаар 13 үйлдвэр үйл ажиллагаагаа явуулахаар гэрээ байгуулжээ.


Энэ сард 100 айлд худалдаа эрхэлдэг иргэдтэй уулзана гэдгийг Налайхын барилгын материалын үйлдвэрлэл технологийн паркийн С.Батжаргал хэлж байна. 
 

Сэтгэгдэл бичих

Сэтгэгдлүүд

зочин - 192.82.70.402020-08-03 21:40:11

Сугар санал 1 байна

сугар - 202.179.24.1632020-08-03 19:55:01

энэ ёстои зөв эднииг заилуулж хотдоо өнгө нэмье, үүнээс чухал ажил нь 32-н тоиргиин элс шороо цемент зардагииг зогсоож жуурамлаж өгөөчээ,тэнд мөн том том машин тракторууд холхиж хүүхдүүдэд аюултаи орчин үүсгэж баина, нүүрнии эгнээнии бүх аилууд хашаандаа ховогоор элс шороо буулгаад портороор гараараа ачиж зарах шуудаилж зарах үил ажиллагаа эрхэлж тоос шороо хотын төвөөр дэгдээж баина, том машинуууд нь түгжрэл үүсгэж баина, ер нь яаж ч бодсон хотын төвдөө баиж боломгүи үилдэл шүүдээ хотын дарга нараа та нарын аав ээж, ах дүү нарын бизнес болоод хоридоггүи ,хотоос гаргадаггүи юмуу?