Хатгал-Мөрөн, Улиастай чиглэлийн замыг түр хаажээ

Үргэлжлэн орж буй усархаг борооны улмаас хөдөө орон нутгийн замд эвдрэл үүсч, зам даваа бартаатай байгааг тээврийн цагдаагийн алба анхааруулж байна. Тодруулбал, Хөвсгөл аймаг Хатгал-Мөрөнгийн чиглэлийн замд Мөрөнгөөс 4 км орчим зайд замын зорчих хэсэг 3 орчим метр сэтэрсэн байна.


Мөн Мөрөн-Улиастай чиглэлийн сайжруулсан замд хоёр км орчим зайд зам тус, тус сэтэрсэн байна. Сэтэрсэн замыг түр хаах, засварлах ажил хийгдэж байгаа тул хөдөлгөөнийг түр хугацаагаар хаасан талаар Хөвсгөл аймгийн Замын цагдаагийн тасгаас мэдээлж байна.


Түүнчлэн Өвөрхангай аймгийн А0601-дугаартай ЭлсэнтасархайХархорин чиглэлийн замд хүчтэй аадар бороо орсоны улмаас 331, 332, 333, 337км-т хөвөө угаагдаж, сэтэрсэн байна. Иймд жолооч та бүхэн хөдөө, орон нутгийн замд анхаарал болгоомжтой зорчихыг Тээврийн цагдаагийн алба анхааруулж байна.



Сэтгэгдэл бичих

Сэтгэгдлүүд

Иргэн - 66.181.161.1102020-07-14 12:40:05

Байгаль ээж хаагуур хур бороогоо урсгахаа өөрөө мэддэг. Асар их мөнгийг хэтрүүлэн авч зам тавидаг Монголын улс төрийн сүлжээ мафи одоо арай хэрээс хэтэрлээ. Зам тавих мөнгөөрөө эхлээд Лан-200 аваад уначихдаг дараа нь хаус,байрнууд аваад ах дүү, үр хүүхдээ өөд нь татдаг. Сүүлд нь замаа таьисан болдог. Зам хүлээж авдаг комиссууд нь нэг нэг Лан-200-г хахуульд нь аваад хүлээгээд авчихдаг. Энэ туйлын үнэн түүх. Хятад оронд "авилгалчыг" гэр бүлээр нь хамтад нь цаазаар бууддаж устгадаг хуультай байдаг. Монгол пр ньгүйцэд сэрэхгүй л байна даа.