Баяр наадмын өдрүүдэд цаг агаар ямар байх вэ?

Наадамчид, иргэдийн анхааралд:


Өнөө, маргаашдаа төвийн аймгуудын нутгийн зүүн хэсэг болон зүүн аймгуудын ихэнх нутгаар, 14, 15-нд баруун болон төвийн аймгуудын нутгаар усархаг бороо, 12, 13-нд зарим газраар дуу цахилгаантай аадар бороо орох тул гэнэтийн үер ус, мөндөр, нөөлөг салхины аюулаас сэрэмжтэй байхыг онцгойлон aнхааруулж байна.


Өнөөдөр буюу 07-р сарын 10-ны өдрийн 14-16 цаг хүртэл Хүй долоон худаг орчим үүлэрхэг, бороо орно, салхи баруун хойноос секундэд 6-11 метр, агаарын температур 13-15 градус дулаан байна.


Та бүхэн ЭНД дарж наадмын өдрүүдэд 13-р зуун цогцолбор, Хүй долоон худаг, Чингис хаан онгоцны буудал, Төв цэнгэлдэх хүрээлэн, Үндэсний цэцэрлэгт хүрээлэн зэрэг газруудын тухайн  агшин дахь цаг агаарын мэдээллийг хүлээн авах боломжтой.  Жишээ нь яг одоо Хүй долоо худаг орчим +12 градус дулаан, чийгшил 92 хувьтай байна. 


2020 оны 07 дугаар сарын 10-ны 20:00 цагаас 07 дугаар сарын 11-ний 20:00 цаг хүртэлх цаг агаарын урьдчилсан мэдээ:


УЛААНБААТАР ХОТ ОРЧМООР: Үүлшинэ. Бороо орно. Салхи баруун хойноос секундэд 6-11 метр. Шөнөдөө 11-13 градус, өдөртөө 21-23 градус дулаан байна.


Хур тунадас: Нутгийн зүүн хагаст үүлэрхэг, бусад нутгаар солигдмол үүлтэй. Шөнөдөө төвийн аймгуудын нутгийн зүүн хэсэг, зүүн аймгуудын нутгаар, өдөртөө баруун аймгуудын нутгийн баруун хэсэг, төвийн аймгуудын нутгийн зарим газар, зүүн аймгуудын ихэнх нутгаар бороо орно. Дуу цахилгаантай. 


Салхи: Баруун болон зүүн аймгуудын нутгаар өмнөөс, бусад нутгаар баруун хойноос секундэд 6-11 метр, борооны өмнө түр зуур ширүүснэ.


Агаарын температур: Шөнөдөө Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Тэрэлж голын хөндийгөөр 3-8 градус, говийн бүс нутгийн өмнөд хэсэг болон Дорнод-Дарьгангын тал нутгаар 14-19 градус, бусад нутгаар 9-14 градус, өдөртөө Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Тэрэлж голын хөндийгөөр 13-18 градус, Их нууруудын хотгор болон Хангайн нурууны өвөр бэл, говийн бүс нутгаар 27-32 градус, бусад нутгаар 20-25 градус дулаан байна.


2020 оны 7 дугаар сарын 12-16-ныг хүртэлх цаг агаарын урьдчилсан төлөв:  


12-нд зүүн аймгуудын нутаг, баруун болон төвийн аймгуудын нутгийн зарим газраар, 13-нд баруун аймгуудын нутаг, төв болон зүүн аймгуудын нутгийн зарим газраар, 14-нд баруун болон төвийн аймгуудын нутаг, зүүн аймгуудын зарим газраар, 15-нд баруун аймгуудын нутгийн зарим газар, төвийн аймгуудын нутгаар бороо, зарим газраар дуу цахилгаантай аадар бороо орно.


Салхи 13,14-нд Алтайн салбар уулсаар секундэд 13-15 метр, бусад хугацаанд борооны өмнө түр зуур ширүүснэ. Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Туул, Тэрэлж голын хөндийгөөр шөнөдөө 5-10 градус, өдөртөө 17-22 градус, говийн бүс нутгийн өмнөд хэсгээр шөнөдөө 17-22 градус, өдөртөө 31-36 градус, бусад нутгаар шөнөдөө 11-16 градус, өдөртөө 24-29 градус дулаан байна. Хугацааны сүүлчээр нутгийн зүүн хагаст хална. 

Сэтгэгдэл бичих