Тусгаарлах байрнаас гарсан иргэн бусадтай нийлж архидан согтуурчээ

УОК-ын Шуурхай штабаас цаг үеийн асуудлаар мэдээлэл хийлээ. Энэ үеэр тусгаарлах байрнаас өрхийн тусгаарлалтад шилжиж буй хүмүүс журам зөрчих асуудал үүсэж байгааг холбогдох албаныхан онцлов. Одоогийн байдлаар 26 журам зөрчсөн тохиолдлыг бүртгэж, хариуцлага оноогоод буй аж.


Мөн 14 хүн бүртгэлтэй хаяг дээрээ байхгүй байсан тухай мэдээлэв. Түүнчлэн 47 настай эрэгтэй тусгаарлагдах байрнаас гарсныхаа дараа өөрийн ах болон бусад дөрвөн этгээдтэй архидан согтуурсан хэрэг гарчээ.


Сонгуулийн сурталчилгааны материал тараахдаа айлын хаалга тогшихгүй байхыг журамд заасан. Үүнийг биелүүлж ажиллахыг хүсье хэмээн ЦЕГ-аас мэдээлэв.

Сэтгэгдэл бичих