ЭМЯ ээлжит мэдээллээ хийв. Өнөөдөр таван хүн эдгэрч ХӨСҮТ-өөс гарч байна. Ингэснээр Монгол Улсад коронавируст халдвар нь эдгэрсэн хүний тоо 70 боллоо. 

Харин өчигдөр ХӨСҮТ, ЗӨСҮТ, Дархан-Уул аймгийн лабораторид 715 хүнд шинжилгээ хийхэд таван хүнээс коронавирус илэрч, халдвартай хүний тоо 191-т хүрэв.

Энэ талаар ХӨСҮТ-ийн захирал Д.Нямхүү, Коронавирус илэрсэн таван хүний дөрөв нь оюутан, нэг нь ОХУ-ын ачаа тээврийн жолооч байна. ОХУ-ын хүнс зөөдөг ачаа тээврийн жолооч зургаадугаар сарын 3-нд орж ирсэн. Ингээд сэжигтэй тохиолдол гэж үзэн Сэлэнгэ аймагт тусгаарласан. Түүний шинжилгээний хариунаас коронавирус илэрсэн учраас өнөөдөр ХӨСҮТ-д татан авчирч эмчилгээнд оруулах ажил эхэлсэн байна гэв.