Осол гарсан замын эвдэрсэн хэсгийг засжээ

Автозамын эвдэрсэн хэсэгт тэмдэг, хаалт байрлуулаагүйн улмаас автомашинтай иргэд замын хажуугийн жалга руу унан осолдож буй талаар бид өчигдөр мэдээлсэн. 


Сүхбаатар дүүргийн 9-р хороо, 39-р сургуулийн замын эсрэг талд байрлалтай туслах замын эргэх хэсэг эвдрээд байсныг өчигдөр засварлажээ.


Замын хөдөлгөөнд оролцогчдод анхааруулсан тэмдэг бүхий хаалт байршуулж, эвдэрсэн хэсгийг бөглөн дутуу байсан хажуугийн төмөр хашлагыг гүйцээн барьсан байна.


Замын тэмдэг тэмдэглэгээ тавих ажлыг Нийслэлийн авто замын хөгжлийн газар хариуцдаг бөгөөд Тээврийн цагдаагийн албаны Техник замын хяналтын хэлтсээс хяналт тавин ажилладаг аж. 

Сэтгэгдэл бичих