Гар дээрээс худалдаа эрхэлдэг 10 иргэний үйл ажиллагааг зогсоожээ

Нийслэлийн мэргэжлийн хяналтын газрын дэд дарга С.Даваасүрэн Чингэлтэй дүүргийн 2 дугаар хорооны нутаг дэвсгэрт үйл ажиллагаа явуулдаг “Юмт бөмбөгөр”, “Эрдэнэбулган”, “Алтжин санаа”, “Орон зай” худалдааны төвүүдийн удирдлагуудыг тавдугаар сарын 22-ний өдөр хүлээн авч уулзжээ.


Уулзалтаар Бөмбөгөр худалдааны төвийн гадна талбайд ил задгай, гар дээрээс худалдаа эрхлэгчдийн талаар хэлэлцэж, цаашид авах арга хэмжээний талаар санал солилцсон байна. Тус уулзалтын шийдвэрээр Чингэлтэй дүүрэг дэхь Мэргэжлийн хяналтын хэлтсээс ил задгай, гар дээрээс худалдаа эрхлэх үйл ажиллагааг зогсоох талаар мэдэгдэл гаргаж худалдаа эрхлэгчдэд тараасан.


Мэдэгдлийн дагуу 2020 оны 05 дугаар сарын 26-ний өдөр Чингэлтэй дүүрэг дэхь Мэргэжлийн хяналтын хэлтэс болон тус дүүргийн 2 дугаар хорооны Засаг дарга, иргэдийн хурлын төлөөлөгч, Цагдаагийн 1 дүгээр хэлтэс, хорооны цагдаа, олон нийтийн цагдаа, “Юмт бөмбөгөр”, “Эрдэнэбулган”, “Алтжин санаа”, “Орон зай” худалдааны төвүүдийн удирдлагуудыг байлцуулан гүйцэтгэлийн хяналт шалгалтыг хийлээ.


Шалгалтаар Бөмбөгөр худалдааны төвийн гадна орчинд нийтийн эзэмшлийн зам, автобусны буудал, явган хүний гарц хааж ил задгай гар дээрээс худалдаа эрхэлж байсан нийт 10 иргэний үйл ажиллагааг зогсоож, саравч, лангууг буулган ажиллалаа. 


Үйл ажиллагааг зогсоосон иргэдэд “Эрдэнэбулган” ХХК, “Алтжин санаа” ХХК, “Юмт бөмбөгөр” ХХК-ийн худалдааны төвүүд нь лангуу түрээслүүлж, цаашид иргэдийг ажлын байраар хангахаар болсон аж. 

Сэтгэгдэл бичих

Сэтгэгдлүүд

Zochin - 182.160.36.1902020-05-27 15:29:59

Ter harhoringiin ter haviinhiug boliulaach ee zam haagaad baahan umnuud suuchihdag um bna lee