Үл мэдэх нисдэг биетүүд байдгийг нотлосон баримтууд

  Харь гарагийн зочдын тухай элдэв түүх бараг хүн төрөлхтөнийх шигээр эртнийх аж. Энэ нь хэтрүүлэл биш бөгөөд  үл мэдэх нисдэг биеттэй тааралдаж байсныг гэрчилсэн баримт  манай эриний өмнөх бүр 1440 онд бүртгэгдэж байжээ.  Жил бүр дэлхийн орон бүрт хүмүүс харь гарагийнхныг харсан, биед нь хүрч байсан гэх юмуу тэр ч бүү хэл харь гарагийнханд хулгайлдагдаж байсан тухай эрх баригчдад мэдүүлдэг байж. Эдгээр явдлын ихээхэн хэсэг нь санаанаасаа зохиосон зүйл байсан нь мэдээж.  Гэвч мэргэжилтнүүдийн баримтжуулж, шалгасан өөр бусад мэдээ сэлт ч байдаг.  Ийм баримтыг үгүйсгэж болно гэж үү?

 

1. Foo Fighters


Нэрд гарсан рок-хамтлаг 1944 оны арваннэгдүгээр сард бүртгэгдсэн чухамхүү энэ айдас төрүүлсэн үзэгдлийн нэрийг авсан юм. Улаан  өнгийн гэрэл цацруулсан том биш металл бөмбөлгүүд буюу  тэр “Foo Fighters”-ийн зургийг  бөмбөгдөгч нисэх онгоцны нисэгчид авсан байна. Энэхүү учир битүүлэг биетүүд Энэтхэгийн далайд байнга шахуу үзэгддэг байжээ.

 

2. Каскадын ууланд болсон явдал


Энэ явдал 1947 оны зургаадугаар сарын 24-нд Каскадын ууланд  болсон байна. Хувийн нисэх онгоцны нисэгч Кеннет Арнольд  Вашингтон муж улсын  Рейнир уулын ойролцоо   гялалзсан  есөн үл мэдэх нисдэг биетийг олж харсан хэмээн нотлож байжээ. Энэ явдлыг нийт үндэсний хэмжээний мэдээнд ч үгүйсгэж чадаагүй аж.

 

3. Ногоон болидууд


Сансрын биетүүдийг судладаг олон эрдэмтэн  Нью-Мехико муж улсын нутаг дээгүүр ногоон өнгийн галт бөмбөлгүүд үзэгдсэнийг үл мэдэх нисдэг биетүүд байдгийн хамгийн лавтай нотлох баримт хэмээн үздэг юм. 1940-өөд оны сүүлчээс АНУ-ын засгийн газар  Лос-Аламос болон Үндэсний “Sandia” лабаоратори зэрэг судалгаа-шинжилгээний болон цэргийн объектуудыг хамгаалахад нэмэлт хөрөнгө мөнгө гаргахад хүрсэн бөгөөд тэр хачирхалтай бөмбөлгүүд тэнд яагаад ч юм олонтоо үзэгдэх болжээ.

 

4. Горманы тулаан

 


АНУ-ын агаарын цэргийн хүчний нисэгч Жорж Горман болон нөгөө үл таних нисдэг биетийн хооронд мөргөлдөөн шиг юм болжээ. Эрэлхэг нисэгч  маань учир битүүлэг бөмбөлөгтэй тулгарснаар болзошгүй дайсан руу дайрч, нөгөөх биет ч  зугадсан нь дээр хэмээн үзсэн бололтой.  Горман үл таних нисдэг биетийн хойноос бас хагас цаг мөрдөн хөөж, харин нөгөөх нь тэр даруй өндрөө авч, зах хязгааргүй тэнгэрт уусан алга болжээ.

 

5. Ник Марианагийн будлиан



 1950 оны наймдугаар сард  америкийн Грейт-Фоллс хотын бейсболын талбайн дээр яг тоглолт болж байх үед үл мэдэх нисдэг биет  үзэгдсэн байна. Эндхийн бейсболын багийн ерөнхий менежер Ник Мариана  өнгөт хальстай аппаратаар тэр биетийн зургийг   авч амжжээ. Хэдэн өдрийн дараа Тагнуулын төв газрын ажилтан залуус менежерийнд ирж,  нөгөө хальсыг хадгалуулахаар өгөхийг түүнээс  эелдэгээр хүссэн байна. Түүнээс хойш уг хальсыг хэн ч, хэзээ ч  олж хараагүй аж.

 

6. Лаббокийн гал


Энэ явдал америкийн Лоббак хотын ойролцоо болжээ. Бүтэн нэг зуун хүнд гэрэл зураг болон дүрс бичлэг үлдсэн учир, үүнийг  гуйвуулах боломжгүй аж. Лаббокийн уг явдлыг АНУ-ын агаарын цэргийн хүчний төлөөлөгчид нягтлан шалгасан байна. Энэ нь өнөөх л улиг болсон, тайлбарлахад хялбар үзэгдэл байв хэмээн сүүлд нь гаргасан албан ёсны мэдэгдэлд өгүүлжээ. Тийнхүү засгийн газар энэ явдлын цаад учирын тухай асуултад илүү тодорхой хариулт өгч чадаагүй аж.

7. Флэтвудийн мангас



Брэкстон тойргийн мангас буюу Флэтвудийн хий үзэгдэл  гэж бас бий.  Ойлгомжгүй, гэхдээ маш аймаар нэг зүйл 1952 оны есдүгээр сарын 12-ноос 17-ний хэдэн өдөр Флэтвудийн оршин суугчдын айдас хүйдсийг төрүүлж байжээ. Үүнийг харсан хүмүүсийн олонхи нь тэр “араатныг” хоёр метр орчим  өндөр, тас хар биетэй, харанхуйд гэрэлтэх толгойтой байсан хэмээн  ярьдаг байсан байна.

Б.Атар

Сэтгэгдэл бичих