Ерөнхийлөгч Х.Баттулга ДЭМБ-ын Ерөнхий захиралтай уулзаж коранавирусын талаар ярилцжээ

Давосын Эдийн засгийн чуулганд оролцож байгаа Монгол Улсын Ерөнхийлөгч Х.Баттулга өчигдөр Дэлхийн эрүүл мэндийн байгууллагын ерөнхий захирал Терос Адханомтой уулзлаа. Уулзалтын үеэр ДЭМБ-ын ерөнхий захирал Терос Адханом, Монгол Улсын Ерөнхийлөгч Х.Баттулга нар Монгол Улстай хил залгаа БНХАУ-д шинэ төрлийн коронавирусийн халдвар гарсан явдалд санаа зовж буйгаа илэрхийллээ.

Улмаар ДЭМБ-аас ноцтой аюултай гэж үзвэл хилийн боомтыг хаах заавар өгдөг ч одоогоор хил гаалийн хяналтаа сайжруулах хэрэгтэй гэж зөвлөлөө. Мөн БНХАУ-ын цагаан сарын баяр болж буйтай холбогдуулан дотооддоо болон гадаад руу чиглэсэн иргэдийн урсгал нэмэгддэг тул ДЭМБ-ын заавар зөвлөмжийг сайтар дагаж, эмнэлгийн бэлэн байдлыг хангах хэрэгтэй гэсэн юм.

Монгол Улсын Ерөнхийлөгч Х.Баттулга ДЭМБ-ын Ерөнхий захирлаас коронавирусийн асуудалд онцгой анхаарал хандуулж өгөхийг хүсэж, агаарын бохирдол, түүнээс улбаатай иргэдийн эрүүл мэндийн асуудлаар санал солилцож, дэлгэрэнүй ярилцлаа.

Сэтгэгдэл бичих

Сэтгэгдлүүд

Үнэн - 202.9.46.1802020-01-26 01:45:43

Боловсролгүй хүн ийм л хэрэггүй юм хийнэ дээ. Коронавирус Монголд орж ирэхгүй шүү дээ. Өвлийн хүйтэнд тэсвэргүй вирус. Баттулга жаахан боловёролтой байсан бол үүний оронд Монгол хорт хавдраар дэлхийд №1 орсон амжилтаа ярьж, хавдрын эсрэг шинэ эм, тоног төхөөрөмж, тусламж хүсэх ёстой байсан юм.