Н.Багабанди тэтгэврийн зээл аваагүй гэж баримт үзүүллээ

Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хуулийг УИХ батлаад байгаа билээ.

Эл үйл явдалтай холбоотойгоор олон нийтийн цахим сүлжээ болон хэвлэл мэдээллийн зарим хэрэгслээр “Ерөнхийлөгч асан Н.Багабанди энэ оны өмнө их хэмжээний тэтгэврийн зээл авсан” гэх мэдээлэл тархсан юм.

Тэгвэл Ерөнхийлөгч асан Н.Багабанди дээрх мэдээллийг үгүйсгэжээ. Улмаар тэтгэврийн зээл аваагүйгээ нотолсон “Хаан банк”-ны тамга тэмдэг бүхий тодорхойлолтыг ил болгосон ажээ.