Үсчин орон гэргүй эрд туслахаар шийдэж, үсийг нь үнэгүй засч өгчээ

Үс  засалт хүнийг хичнээн гоё  болгож чаддаг гээч!  Өөрийгөө  гаргуунд нь хаясан   эр ч туршлагатай үсчний гараар орсноор ёстой ганган гэгчийн эр  болсон байна.

Нэгэн удаа үс нь сэгсийсэн, сахал самбайндаа   баригдсан нэг орон гэргүй эр үсчний газарт орж иржээ.  Тэгтэл үсчнүүдийн  нэг нь тэр эрийн үсийг үнэгүй засч, бас сахлыг нь янзалж өгье гэжээ. Хөөрхий мань эр ийм өгөөмөр сэтгэлээр хандах  юм хэмээн бодоогүй учир, тээнэгэлзсэн янзтай зөвшөөрчээ.

 


Мань эр осолд орсныхоо  дараа гудамжинд гарахаас аргагүй болсон гэнэ.  Тэгээд тэр ажилгүй болж, байрныхаа хөлсийг төлж чадахаа больжээ.  Ийм хүнд хэцүү үед төрөл төрөгсөд, найз нөхдөөс нь  хэн нь ч түүнд туслаагүй байна. Настай эр ийм гарцгүй байдалд орсоор удаж байгаа бөгөөд  нэг ч өдөр болов амьд явахсан хэмээн  боддог аж.


Тийнхүү сайхан сэтгэлтэй үсчин  зовлонд унасан хүнд жаахан ч гэсэн тус хүргэхээр шийдэж, үсийг нь засч, сахлыг нь хусч өгөхийг санал болгожээ.

Үс засч дуусахад, нөгөө эрийн хэрхэн өөр болсныг харахаар бусад үсчин ч гүйлдэн ирсэн байна. Тэгээд цөмөөрөө мэл гайхаж орхижээ. Сандалд нөгөө бүрзийж, сэгсийсэн эрийн оронд  үсээ гоё гэхчийн засуулж, сахлаа аятайхан янзлуулсан ганган эр сууж байж. Үйлчлүүлэгч өөрөө ч шинэ дүр төрхөө хараад үнэхээр цочирдож, үсчинд удтал талархал илэрхийлжээ.