Намар-өвөл 2019 трендүүд

«Өргөст хэмх»

Өргөст хэмх хэмээн нэрлэгдсэн хээ нь олон арван жилийн түүхтэй ч дизайнеруудын шинэ цуглуулгуудад шинэлэг байдлаар эргэн ирсэн байгаа. Rokh брэнд Франкенштейний даашинз мэт олон хэсгээс бүрдсэн загвар танилцуулсан бол, J.W. Anderson урт ноосон цамц, харин Altuzarra хоолойтой цамц санал болгожээ.

Хар фон дээрх цэцэгс

Өнөө цагт цэцгэн хээ нь хэнийг ч гайхшруулахгүй биз ээ. Гэхдээ ирэх улиралд дизайнерууд цэцгэн дүрсийг хар фон дээр байршуулан илүү готик уур амьсгалд оруулан шинэлэг тренд үүсгээд байгаа.


Ромбо хээ

Ромбо хэлбэрийн хээ нь ирэх улиралд аль болох өвөрмөц өнгийн шийдэлтэйгээр моданд орсон байгаа. Өөрөөр хэлбэл хуучинсаг улаан ба цэнхэр өнгийн хослолын оронд саарал ба неон ногоон, эсвэл улаан ба тод шар зэрэг илүү зоригтой хувилбарыг сонгох хэрэгтэй.



Галууны хөл

Шотланд улсаас гаралтай бас нэгэн түүхэн хээ болох галууны хөл нь Celine, Gucci, Fendi ба Balenciaga брэндүүдийн намар-өвөл 2019 цуглуулгад багтжээ. Гэхдээ дизайнерууд уг хээтэй туршилт хийлгүй уламжлалт beige, бор өнгөнүүдийг ашигласан байна.


 


Сэтгэгдэл бичих

Сэтгэгдлүүд

Od - 182.160.36.1262019-10-22 10:05:46

Hamgiin suuliinh ni zugeer ym bn