“NASA” 2024 онд Ангараг гараг руу зорчихдоо өмсөх шинэ өмсгөл танилцуулав

    НАСА (Америкийн агаарын нислэг, сансрын уудмыг шинжлэн судлах үндэсний газар) шинэ хоёр өмсгөл танилцуулжээ. Дараачийн үеийн энэ өмсгөлүүд нь  “Артемида” хөтөлбөрт (америкчууд Саранд дахин очих) зориулагдсаныг НАСА-гийн албан ёсны сайтад  мэдээлсэн байна.

    Уг  хөтөлбөр нь цаашид Ангараг гарагийг судлах үндэс суурийг тавих ёстой юм.

    Америкийн сансрын нисэгчид 2024 онд Саранд очиж, тэнд дэлгэрэнгүй судалгаа хийхээр төлөвлөж байгаа ажээ.  Тухайлбал, Дэлхийн дагуулын Өмнөд туйлыг судлах юм байна. Сар руу эрэгтэй, эмэгтэй хүн илгээх гэж байгааг  бас дурджээ.

    Одоо сансрын нисэгчид Сарны гадаргуу дээр  Армстронг, Олдриж нар шиг үсэрч явахгүй. Шинэ өмсгөл нь зүгээр алхаад явах  боломж олгоно гэж НАСА-гийн захирал Жеймс Брайденстайн мэдэгджээ.


    Энэ үеэр “Exploration Extravehicular Mobility Unit” (xEMU) болон “Orion Crew Survival System suit” гэдэг хоёр өмсгөлийг танилцуулсан байна.

    Эхнийх нь Сарны гадаргууд судалгаа хийхэд, харин хоёр дахь нь сансрын хөлгийн бүхээгт ажиллахад зориулагджээ. Уг өмсгөл нь сансрын хөлөг хөөргөх үед, мөн гэнэтийн  яаралтай нөхцөлд, түүнчлэн Дэлхийд буцаж ирэхэд сансрын нисэгчдийг хамгаалах юм.

    НАСА-гийн мэргэжилтнүүд цаашид Ангарагийг судлах зорилгоор  Улаан нүдэн гарагийн онцлогийг харгалзан үзээд,  зарим өөрчлөлт оруулсан  төстэй систем ашиглахаар төлөвлөж байгаа ажээ.