М.Пүрэвтунгалагийн аав: Охины минь оронд Э.Сумъяаг ДАШТ-д оролцуулбал амиа хорлоно

    Энэ жил УАШТ-д түрүүлсэн тамирчдад ДАШТ-д зодоглох эрх олгосон билээ. Эмэгтэйчүүдийн 53 кг-д Баянхонгор аймгийн харьяат, “Женко” клубийн бөх М.Пүрэвтунгалаг түрүүлж, дэлхийн дэвжээнд өрсөлдөх эрх анх удаа авсан юм. Гэтэл Монголын чөлөөт бөхийн холбооноос түүний биед хатиг гарсан, бэлтгэл дутуу гэж үзэн оронд нь ДАШТ-ий мөнгөн медальт Э.Сумъяаг оролцуулах шийдвэр гаргасанд түүний гэр бүлийнхэн  эсэргүүцэн өнөөдөр хэвлэл мэдээлэлд хандлаа.
Пүрэвтунгалагийн аав Мөнхбат “Охин минь энэ жил залуучууд, насанд хүрэгчдийн УАШТ-д түрүүлсэн. Гэтэл үндэсний шигшээ багийн ахлах дасгалуулагч Б.Баттулга Э.Сумъяаг оролцуулахын тулд башир арга хэрэглэсэн, охиныг минь дарамталсан. Үүний улмаас охин минь охин минь ДАШТ-д оролцох боломжгүй болчихлоо. Охиныхоо оронд Э.Сумъяаг лав өрсөлдүүлэхгүй. Хэрвээ түүнийг ДАШТ-д өрсөлдвөл би амиа хорлоно. Миний охиныг оролцуулахгүй юм гэхэд УАШТ-д үзүүрлэсэн, эсвэл хүрэл медаль авсан тамирчныг оролцуулах учиртай байлтай. Би Б.Баттулга дасгалжуулагчтай уулзсан. Тэгэхэд “Танай хүүхдийн бэлтгэл дутуу байгаа” гэсэн. Үндэсний шигшээ багийн ахлах дасгалжуулагч хүн, тамирчдынхаа бэлтгэлийг хангах учиртай албан тушаалтан тэгж хэлээд сууж байж болох уу. Шахаад байгаа Э.Сумъяа нь энэ жил УАШТ-д жингийн улмаас хасагдсан. Ийм шударга бус байж болох уу. Б.Баттулга миний охиныг дарамталсан. Малчин хүнийг яасан ч яах вэ гэж боддог юм байлгүй. Монголын чөлөөт бөхийн холбоог удирддаг Д.Сумъяабазар сайдаа үүнд анхаараач ээ. Миний охиныг яагаад малаас доор үздэг юм бэ. Шударга ёсны төлөө тэмцэхийг монголчуудаа, Баянхонгорчуудаа уриалъя" гэлээ.
Мөн Пүрэвтунгалаг “Намайг эрүүлийг эмч баталсан. Гэтэл үүгээр шалтаглан, ДАШТ-д оролцох эрхийг минь булаалаа. Би Э.Сумъяа эгчтэй бэлтгэл хийх гэж оролдсон. Бэлтгэлийн үеэр намайг зогсоож байгаад “Хүний өмнөөс битгий арсалдаад байгаарай” гэсэн. Тэгэхээр би яаж бэлтгэл хийж чадах вэ дээ. Би УАШТ-д түрүүлж, шигшээ багийнхантай анх удаа хамт бэлтгэл хийж байгаа. Тэгсэн ч сэтгэл хангалуун бус байна” гэв.  

Сэтгэгдэл бичих

Сэтгэгдлүүд

Иргэн - 66.181.191.2372019-09-09 23:49:01

Энэ явдлаас эцэг нь амиа хордоно гэдэг тэнэг үйлдэл. Ийм ухвар сэтгэлтэй байж болохгүй .Энэ бол маш буруу үйлдэл тул эцэг нь анхаарах хэрэгтэй.

Монгол - 202.70.33.2422019-09-09 21:52:38

Ийм сэтгэлтэй цаашид яаж барилдах вэ аав нь мэдрэл муутай охиноо алж бна.эруул мэндэд нь анхаар

Нэг муу нядханаас болоод - 64.119.20.2002019-09-09 20:58:12

ЯАСАН ХЯМД АМЬ БЭ.охиноо допингоос сэргийлэхээ о бод.

Баттулга - 202.179.25.1142019-09-09 13:35:24

хэрэвээ үнэн яриад байгаа бол яваг л дээ